Bi şevan
Li gel heyvê
Li gel stêrkan
Civîna me
Bi rêve diçe.
Şev dibin sal
Her xulekek
Dibe hefteyek
Her demjimêrek
Dibe mehek
Bi vî awayî
Şevbuhêrka me
Didome.
Gilî û gazin
Jixwe bidawî nabin.
Heyv û stêrk
Matmayî mane.
Bi baldarî
Li min guhdar in.
Çîroka jiyana minî
Bi êş û bi kul
Di têbînîyên xwe de
Dinivîsîn.
Kurtejîyana min
Mîna fîlmekî
Lê temaşe dikin.
Lîstikvanên vî fîlmî
êş û derd in
Kul û kovan in
Derhênerê wî qeder e
Lehengê wî
Helbet ez im.
Di dawî de
Kesê ku bac e
û darayîya vî fîlmî
Dê bide
Jixwe dîsa ez im.
Bavê Ronî Qamişlo 23/5/2021
مجلة خيمة الأدب في روج افا 