Girêkên penceşêrê
P : /-// /-// /-//
Bûn girêkên penceşêrê can disotin
Ser kezeb û nav hinavan sor bizot in
Ev buhara soz dida min ez biraştim
Tim bi erzanî dilê min tê firotin
Qey jiyan bo min tenê talan û kuşt in
Tev kelem û xaçirêkên şaş û çewt in
Mam li bin dara miradan pir veniştim
Reş benê bext min girêda şax zelût in
Sêwiyê bê dê û bav bê pal û pişt im
Hêsirên min xwîn dibarin cot e cot in
Ka şevên çîrok û xewnan çûn û hiştim
Hêviyên pûç Koleyên ber kar û cot in
Ew çirûskên dûr didît min zû vemirtin
Wek guhanên merçiqî hîn têne dotin
Kaniyên êşê birînên dil qelaştin
Mij û moran çingeçing û gotegot in
Ridwan Yûsif
Hesekê 13 / 9 / 2021
مجلة خيمة الأدب في روج افا 