Tekya min
Hingiv di ziman de bidim
Hingiv piçkî wê şirîn be
Agir ber bi dil ve bibim
Hema hinkî wê bi tîn be
Tîrêj derbe ji berbengê
Wê ji kezyên tey zêrîn be
Hey cergê te Erarat bî
Tije ḧez be, wê bê kîn be
Tu dîroka xuristê bî
Wê karê te tim heyîn be
Hey tu bûka ro ava bî
Xişr û xêlî têkoşîn be
Tu ermanca xwe bidestxe
Jiyana te tim evîn be
Heta şîrxurê te hebin
Wê buhara te her şîn be
Ez ê evîndarê te bim
Wê dilo li ser te dîn be
Tê Kobanê Tekya min bî
Sûnda min wê bi Arîn be
Cindiyê Metînî
(Bavê Metîn)
مجلة خيمة الأدب في روج افا 