Gula bê cî
Ḧema gulên xwe çandin
Cî ji min re ne hiştin
Ez gula xwe biçînim
Roka ḧema derketî
Ewra roka min girtî
Gula xwe hew dibînim
Darê ḧema bişkivîn
Darê min şax werivîn
Gula xwe na hilmînim
Çemê ḧema herikîn
yê min kanî miçiqîn
Tî me avê j`ku bînim
Dîrokê wan her tiştin
Pişaftin ya mi kuştin
Çi j` gulê re bixwînim
Gundê ḧema gul û dar
Yê min kavil û kevnar
Li ku gulê biçînim…?
Divê ez bibim serbest
Gulê derxim ji bin dest
Zora dijmin bişkînim
Ez gula xwe biçînim
Agir li dor vêxînim
Şevê ji ser hilînim
Cî j`gulê re bibînim
Wê di dil de bicî bînim
J`bo gulê xwîn birjînim
1988
Cindiyê Metînî
(Bavê Metîn)
مجلة خيمة الأدب في روج افا 