Toşa evînê
Li ber ba bûne hestê min
Çûn li ber toşa evînê
Derd û azerîn bisotin
Di dilî de bûn civînê
Min hejar û pir melûl kir
Wêneyê te ma di dînê
Te ez xistim xeyala xwe
Hew di hestim bi heyînê
Pereng xistî te cergê min
Were canim bilezînê
Bêna te tê ji bergê min
Wer binose di hêlînê
Her dilopek xwîn dipiçe
Li nav dije tu perwînê
Ez ditirsim pê re biçe
Hey giyanê li nav xwînê
Evîndar lê şev dirêje
Deyaẍ hew of û axînê
Mehwer bike l`min ẍizanî
Were bikin şevnişînê
Ev derd yarê ji ku anî
Bûm şeydayê te Narînê
Mûm li ber tîna te zalim
Memo mirî ji bo zînê
10-9-2015
Cindiyê Metînî
مجلة خيمة الأدب في روج افا 