Pîrbûn
p : /-// /-// /-/
-Qirçeqirça movikên pişta qilûz
Qirşik in barê te kalo maye xûz
-Yan tenê pîrbûn li mil barek giran
Ka dema xortaniyê xurt û tekûz
-Ev temen pel zer weşîn berba diçûn
Payizek tazî zuha dûman û toz
-Helkehelka va hinasan tên bi zor
Xîzexîzek tê ji sîngê, dev û poz
-Awirên qels çav buharek çilmisî
Por sipî simbêl û rî, rû maye boz
-Dûr û nêzîk baş dibînim ez bi dil
Her bimînim wek çiya hêvî û doz
-Şal û şapik, rext û fîşek û tiving
Sengerên şer tim xwedîyê peyv û soz
-Naçimînim ez serî ta bê mirin
Mane kurdim ser bilindim şêr û baz
Ridwan Yûsif
Hesekê 15/2/2022
مجلة خيمة الأدب في روج افا 