Sibê de baş gula taze
Vaye bibil bi awaze
Çavê belek tujî raze
Çi gulzare hawîr saze
Naz û xecik û şîlane
Perwan Raser î seryane
Gulê li nav gulane
Me seyranê li nav baxan
Gul bişkivîn li hemî taxan
Bîna xwe dan Hemî çaxan
Hingiv li ser hezar kaxan
Vedan ji dêm û lêvane
Ji işqa tê me dîlane
Xewnê me em bûk û zavane
Wa şêrîne xweşkokê
Gul û rîhan û kevokê
Têrîja ronya rokê
Pir şêrin û nazike
Bejin bilind û xweşike
Gelek xweşik û bedewe
Sihare û qube quba kewe
Tîrêjê da me me di zanî ewe
Sihare û demê banga díka
Xweşin awazê blibil û Çûka
Gelek lê tê xemla bûka
Buhare û em li zozana
Li nav gul û kewzana
Taştê hingiv ji şana
Zozan fêkiyê xweristî
Em li nav nivisti
Behişte wek me xwestî
Me xwe daye ber tave
Ava zelala tê ji sûlave
Li me di barê wek xunave
Li zozana em gelek şadin
Destê hevdû em bernadin
Li ber sulva li bin dara şemşadin
Ez dibêjim ez rewşpakim
Ne nepakim lê dilpakim
Em li behiştê û ez çalakim
Muhemed Ebdî
مجلة خيمة الأدب في روج افا 