Ayeta eşqê
P : /-// /-// /-/
-Ayeta eşqê dilêm ezber kirî
Kaniyek şêrîn rewan dil der kirî
-Bûye yezdana evînê dilberê
Dîl e dildarê te dilazar kirî
-Ber siya dara evîna dilberê
Bêmirad, derwêş e dil sêdar kirî
-Bûme Mecnûn, dîn li çola dilberê
Bêguneh serxewşş e dil bêwar kirî
-Ko gunehkar bim bi eşqa dilberê
Ez bikim sed qam nimêj dildar kirî
-Gul, şilêr,nêrgiz binefş ax dilberê
Çilmisîn tev bêbuhar,dil pîr kirî
-Kil dikim çava bi şînê dilberê
Hest dikin hawar keser,dilzar kirî
-Bûm şivan her şev li benda dilberê
Xewn li pê xewnê di dît dil par kirî
-Min jimart çend car sitêr bo dilberê
Lê nehat carek tenê, dilsar kirî
-Ayeta eşqê guhartin dilberê
Yan bi şaşî min dixwand dil seyr kirî
-Ser xelat,sîpan û cûdî dilberê
Ayeta eşqa te dil jîndar kirî
-Ber ferat, dicla û xabûr dilberê
Xumexum awaz û saz dilter kirî
-Her bikim fîxan li baxê dilberê
Bilbilek aşiq dinal diljar kirî
-Hezkirin bext û qeder ax dilberê
Wê li ser sozê be dilbawer kirî
Ridwan Yûsif
Hesekê
مجلة خيمة الأدب في روج افا 