Dûrî te
P : //-/ //-/ //-/ /
-Dûrî te jîn bêreng û bîn xemgîn hejar im
Kûr kir birîn kul tev civîn qîrîn hewar im
-Kovan derîn azar livîn axîn û nal im
Eşq û evîn bûm şêt û dîn çola firar im
-Ev dil te bir hiştim li vir xewna didêrim
Qey dil çikir wa lê te kir êşek şiyar im
-Bêrya te kir canê mi pir xwezya dihêrim
Tû ma li wir dojeh vekir wek pêt û ar im
-Hilda te dest xatir dixwest serxewş û mest im
Hêvî şikest kuştin te hest pêla siwar im
-Helbest mi rist dil pê helist bêpişt û pal im
Dîsa te xist helwest nehişt sêwî li war im
-Hilma te ma sîngam veda tavek giran im
Lê dil çima? ewrek zuha zindî mirar im
-Hêvî li ba sozek neda ez bê giyan im
Derd û xema navam kila mişka li dar im
-Dawya şevê pêjna te tê bêdeng û lal im
Kengî ti bê mîna berê ez bendewar im
-Çavêm li rê destê sibê xilmaş dinêrim
Ev dil erê dana xwedê lê pê nikarim
Ridwan Yûsif
Hesekê
مجلة خيمة الأدب في روج افا 