Belengazî
P : -/// -///
-Li min zor kir belengazî
Jiyana min girî gazî
Ne hêvî û ne daxwazî
Tenê bêkes û bêçar e
-Dibêjin ev mirovatî
Bi bejnûbal lihev hatî
Gelek dilsoz û jêhatî
Tenê bo min şevek sar e
-Zivistanek qira girtî
Dilek xemgîn û dagirtî
Li benda kê xwe ragirtî
Tenê bê cî û bê war e
-Ne Qurana xweda gotî
Dilê jara timî sotî
Bi roj û şev li ber cotî
Tenê bêpar û deyndar e
-Çiqas teng kir li min dunya
Li ser pêla li nav derya
Çi dewran bû li min gerya
Tenê winda û diljar e
Ridwan Yûsif
Hesekê
مجلة خيمة الأدب في روج افا 