Bibûre dayê em jev çûne paş
Ku em nebin yek na gerê êv aş
Desta bidin hev da bin yek lelaş
Rêber û serok xwe nabînin şaş
Ketin ber pêla berî dane kaş
Bûne sed partî mane bê qeraş
*** ***
Yekbûna kurda maf û armance
Gazinda min ji mêrxas û qence
Cidabûn nabê bi al û kince
Hebûna kurda yekbûna pence
Delîv îro hat derfetek qence
Ji dest bernedin nebin wek zince
*** ***
Avakin welat çekdar û xwende
Ma ev cend sale maf maye winde
Xwendin û zanîn bikin yek zende
Derfetê nedin qirak û kunde
Desthilat darkin bajar û gunde
Riya ronîkin bi mom û finde
Bi ramanê nû xweş dibê mande
*** ***
Pênûsa azad wêjeyê serbest
Pêrgî hev bibn wê geş bibn hest
Bi darê zorê em nabin yek dest
Di rêsim peyve ji dilekî mest
Mahmûd bavê dilo
مجلة خيمة الأدب في روج افا 