Rû keylane
Ber dilê min, tu gulek pir qeşengî
Rû keylane, pir bi nav û bi dengî
Dil şewatim, ez li ser te nazenîn
Buharên te, bi ezfer û bi rengî
Şewqê bi jen, ji wî rûkê rewşenî
Bide cîhan, ji wan lêvan wî kenî
Tev rewişt û sinciye, gelek narîn
Tê bimîne, dildara min ezbenî
Felat xwazê te welat, her dem û gav
Dermanê te, ev ziman û ronya çav
Ez ê hildim, ew ê ala sê rengîn
Xweş bibare, bi ser me de tu xunav
Tev de mêrg û kaniye, pir bedewî
Ji her derê te vedije, pertewî
Kew li ser lêvên te danî çi hêlîn
Heta kengî bê me dengê wî kewî..?
Li her şah û nuhroj û avdarên te
Di din desthev, gula evîndarên te
Pirbûn avyarên çîçekên çilmisîn
Kirin zozan, heta bi zinarên te
Jîn û jiyan li himber te erzanî
Li gorî te canê minî ciwanî
Ez ê berdim, wan rehên tey werivîn
Xwîna sorî, ji rengê erxewanî
2000
Cindiyê Metînî
(Bavê Metîn)
مجلة خيمة الأدب في روج افا 