Gunhê giran
P : //-/ //-/ //-/
Dûrî kerî serjêdibin berx û beran
Keftar û gur rovî li wir dostên şivan
Reşkên şevê hatin ji dûr pez tar û mar
Dar û bilûr bûn kêr û şûr zirt û ziyan
Bêreng buhar tazîne dar bilbil hejar
Payîz li war mest,dîn û har
Koç bû jiyan
Berx û beranên qert guran nayên jimar
Şev bê sitêrk winda dibin xortên ciwan
Bo kê? çima? çawa bikim? dayê hewar
Rojî nimêj lava bikim bêjim xwedan
Mizgeft û dêr laleş girîn bê ol neyar
Rondik li ber ba gindirîn gunhê giran
Destê bira tim jêkirî xwîn bûye av
Yek dê û bav in dê bibin yek dil û can
Kengî ji hev em hezbikin kurdê piyar ?
Axa welat rêzgar bikin em yan neman
Ridwan Yûsif
Hesekê 21 / 9 / 2021
مجلة خيمة الأدب في روج افا 