Qamişlo
Qamişlo bûka rojava
Xweziya dil û reşka çava
Divim li ser te binvîsim
Te bixemlînim bixweş nava
Qamişlo tû tenê yarî
Bi ter xweşe evîndarî
Ji te dûrim xewna mine
Bêm tewafa te sed carî
Gelek şêrînî şarê min
Şûna kêf û henekê min
Eşqa te kûr û dijware
Digere di demarê min
Bi min xweşe hembêza te
Serî deynim ser singa te
Mîna lavlavkê bibêçim
Xwe li dor bejn û bala te
Bajarê min ji te dûrim
Buhişta min birîn kûrim
Bi qîrû ax û firyadim
Her dinalim wek bilûrim
Sor gula hemî bajara
Zanim mayi dibin bara
Hawir dor gur û keftarin
Te dixwazin bi hezara
Te nadim kesî dilêrê
Kû dijmin hestî bihêrê
Biskek ji porê te nadim
Ger ezmanê jor bê jêrê
Mizgîn xelîl 13 .10
مجلة خيمة الأدب في روج افا 