Tu hêjayî
Were Nazê tu hêjayî
Tu rûnê li tenişta min
Bikî şageh tu mala min
Tu lê bibî firişta min
Bi mêtim ez dev û berî
Xelat tayin û geşta min
Bikî nuh pê jiyana min
Binoşîne suruşta min
Tu gulzerek gulî zere
Çima dijî li şevreşê…?
Gul û çîçek çimandin ser
Ji ber bêna teyî xweşê
Ziman kanya evînê ye
Ji cergî pir diguvişê
Bi kilkim te di çavan de
Xwe bikim mûma rûgeşê
Li nav ewra li ezmanî
Tu dûr bû lê ji giyanî
Te bîna çav li zemînê
Bibûm gorî û qurbanî
Min çandî te di dil de gul
Tu zeyzefûn û reyhanî
Ez im wardozê berê te
Ji bo min mêrg û zozanî
. . . . . .
Newere paxila şevê
Sitêra min neçe ava
Bi dêw û xêw û rawira
Ne dûrbe na ji ber çava
Disotin ser te hestê min
Bidî mijek ji wan lava
Bi himêzê bibînin hev
Ne bigotin û silava
6-4-2015
Cindiyê Metînî
(Bavê Metîn)
مجلة خيمة الأدب في روج افا 