Vedenga dil
P : -/// -///
-Vedenga dil bi awaz e
Çi fîxanek tenik naz e ?
Dilê ‘Eşiq belengaz e
Evîn pir xweş û pîroz e
-Ji çavê wê şeva narîn
Li ser baskê xewa şêrîn
Çiqas xewnên bedew barîn
Tenê xewna te ma doz e
-Buhara dil çi rengdêr e ?
Xurist serxewş û dengdêr e
Evîndar, mest e guhdêr e
Evîn xweş cejn û Newroz e
-Memo ma hisreta Zînê
Kula Ferhad û Şêrînê
Siyamend çû Xecê dînê
Evîna rast çi dilsoz e ?
-Jibîrnakim evîna te
Hinasên min ji bîna te
Evîndar tev ne mîna te
Evîn û ‘Eşq tenê soz e
Ridwan Yûsif
Hesekê
مجلة خيمة الأدب في روج افا 